Tawfik Mikhail - Words of Wisdom

  زى مينا على البحر منارتها ترشد البحارين برج مراقبة فى المطار يدى الإشارة للطيارين مصر كانت عشان تكون دايما سابقة كل العالمين صوت من عندنا سبق وحذركل الغافلين انتبهوا أيها السادة واحذروا إرهاب يهدد كل الآمنين رغم كل الظروف الصعبة جيش وشرطة وشعب واجهوا أعتى المجرمين ومن أجل سلام العالم كله واستمرار الحياة للعجوز والجنين ومستقبل أفضل لجميع البشر دفعت من دم أبنائها الغالى الثمين وأخيرا ابتدا العالم كله يؤدى تعظيم سلام لمصر ويقول آمين وتبقى مصر على مر الزمن منارة وللأمن برج حصين

  بنشوف على وجه القمر اللى احنا عايزين نشوفه وجنونه ممكن واحد يشوفه بيبكى واللى جنبه يلاقى فيه شوقه لو غابت الشمس عن وجه القمر اختفى من الفضاء ضوءه لو واحد فوق عند القمر الأرض تشغله تحته كانت أو فوقه؟ ياما غنينا للقمر تعالوا يوم نبعد عن الأرض وهمومه ونفكر ازاى نعمرها ونملاها بالحب والسلام وفنونه

  فى نور الشمس أو ضى القمر دور على النبع الصافى وابعد عن الماء العكر كم من ماء كان نقيا وتعكر داسته أقدام ملوثة بجراثيم الفكر فى الحياة الكثير من التجارب والعبر نال منها من سبقونا نارا وشرر لا تقل دعنى أجرب فالتجارب لا تسر واحترس من فكرة تبدو بريئة لكنها خطر احفظ قلبك نقيا بحفظ حواسك ولاسيما السمع واللمس والنظر انهل وارتوى من نبع صافى وانتصر اهرب لحياتك من الشر لا تنتظر

   الصعب فات يا بلدنا وإن شاء الله اللى جاى أفضل إحنا كنا فين وبقينا فين ؟ ربك كريم ورحيم فى الآخر وفى الأول الإيمان أن ترى غير الموجود كأنه موجود كائن وأجمل مصر اللى بنحبها شايفنها على طريق الرخاء والأمل بشاير الخير هلت ونهاية النفق قربت بالعلم يارب بنرفع نحوك عيوننا وأيدينا تكمل ما ابتدا واحنا علينا العمل

  يا سلام لو الحسن ساد  دا الحسن زى النور  لو اتزرع فى قلوب العباد يطرد من الحياة الظلام ويقضى على المفسد و الفساد النظافة حسن وجمال فى السكن والملبس والزاد البشاشة عند اللقاء احسان الابتسامه طبع للى يجربه يعتاد لما تكون السبب فى سعادة غيرك تنول رضى ربك ومعاه كل المراد البناء حسن والبانى بيعمر ينشر سلام وأمان للحاضر وللأولاد قبل ده كله وبعده الحب هو الأساس ولازم يكون له مع الحسن ميعاد