Tawfik Mikhail - Words of Wisdom

  عاجبانى يامصر وعاجبنى العيشة فيكي فى عز الشتا شمسك والنسيم العليل  وبلاد كتير فى العالم التلج وأطنان البرد ما أحلا الجلوس على شط النيل  بعد تمشيه فى العصاري مع كوز دره مشوى مع قرفة بالجنزبيل  ونزهه قى فارب صغير  مركب بشراع مع الصحبة الحبيب والخليل  يامصر دا انت مش بنت النهاردة دا تاريخ وحضارة وأمه ليس بين الأمم المثيل عاجبنى بامصر انك رجعت لأهلك كلمتك وقرارك من دماغك وقدامنا الدليل الخير على أبوابك يدق يرد على أصوات علت بالباطل ويدحض ما قيل يارب سلام لبلدنا مصر ولكل العالم وهزيمة لكل قوى الشر لتمضى كما يمضى الليل

  مصر فينا مصر بينا مصر ويانا عشنا فيها رحنا جينا مصر إحنا روحنا فيها روحها فينا زى كل الكائنات الحية ممكن يهيج عليها بحر وتكون هى السفينة أو تصيبها أى عدوى م اللى بتصيب المدينة لكن ولادها السهرانين شعب وجيش وشرطة شايلنها فى عينينا وربنا حافظ وساتر وإن كان الله معانا فمن علينا؟

  سؤال لكل مواطن مصرى مغترب أو مهاجر أو على أرضها مقيم مصر بالنسبة لك أيه؟ قول وحدد مصر وطن عايش فى قلب كل مصرى صميم ناسها ونيلها وأرضها كل شىء بيوحشنى كل مصرى مهما زار من دول وشاف جمال ونعيم بلاد كثيرة جميلة لكن زيك يا مصر مفيش يرجع الغائب على أرضها يسجد ويقدم التعظيم تسعين مليون مبروك لكل واحد مننا مبروك مصر رجعت لينا يا تاريخ سجل وأعلن التكريم لكل مصرى ومصرية خرجوا يطالبوا بالتغيير واستجاب القدر ليهم ولبى الندا قائد مصرى زعيم قم يا مصرى وأمسك بالفرصة بإيديك وأسنانك وابنى بلدك وعمرها وربك معين وكريم مصر بأولادها أم الدنيا وحتبقى أد الدنيا رغم كل شيطان رجيم

  مصر يا وطن عايش فينا مصر يا أم الدنيا بجد تاريخك يشهد له العالم عشنا معاكي أيام المجد قرينا تاريخك وعرفنا قيمتنا عن صفحات سطرها الجد يحكى عن أهرام وحضارة أيامها العالم كان فى المهد وإحنا أولادك لسه بخير بإرادتنا بنينا السد بلدى ياحبيبتى قومى عودى اكتبى بحروف النور الغد

  الجمعة، 22 يناير 2010 09:43 ص قبل حروف الكتابة ما تظهر فى أى بلد اسمك يا مصر اتكتب بكل فخر ومجد تاريخ وحضارة وتقدم أمس واليوم والغد الجد بنى الهرم والابن شيد سد يا مصر اسمك مسجل للتاريخ بداية للحضارة مهد الخضرة على ضفاف نيلك مزروعة قمح وورد خيرك ملا الدنيا ووصل ناس ملهاش عد قصدوك حكما وعلما سمعوا لكل سؤال رد غزاة ومحتلين من كل شعوب الأرض حاولوا بغيروا طبعك صدتيهم صد اتعلموا منك درس كنتى ليهم مقبرة ولحد ترابك يا مصر ارتوى يدم أولادك دافعوا عنك كلهم مهما كان الضد ومهما كانت قساوة ولادك رعيتى لهم عهد مبارك يا شعب مصرهو دا الدعا والوعد يا مصر أنت بلدى وماليش غيرك موش بالشعارات والفهلوة بحبك بحبك يا مصر بجد