Tawfik Mikhail - Words of Wisdom

  الملافظ سعد وياسعده اللى يملك الكلمة الحلوة يقولها فى مكانها ووقتها دا الكلمة الطيبة إحسان ولما تكون المحبة أساس أى كلام يكون اللى فى القلب مسموح يقوله لسان وياريت لما الكلام مالوش لازمة يكون السكوت عنوان سهل بكلمة تحرق دم اللى قدامك وتنسى إنه فى الأول وفى الآخر إنسان من فضلك فكر فى الكلام قبل ما تنطقه عد من واحد لعشرة خصوصا لما تكون غضبان الكلام الحلو لابيتباع ولا بيشترى لكنه رصيد فى القلب من المسموع واللى بنشوفه عيان للأسف لا الشارع ولا الميديا ولا حتى المدرسة ممكن تكون مصدر للتربية زى زمان الدور والباقى على البيت والأهل لما يكون فيه التزام وربنا موجود فى كل مكان

  الحصاد في برمودة نجمع القمح وندق العمودة وفي بشنس كنسنا الجرن والغيط كنس   العام الدراسي يغيب ولكل مجتهد نصيب شمس بؤونة حامبه ونبتدي  ندور على نسمة تلاقيها على شط بحر أو زراعية أو جسر نهر وجلسة في ليلة صيف وضي القمر يعكس على الصحبة جمال ويضيف اتمتع بوقتي واتفسح لما أجمع محصولي وانجح ياريت في هاتور شهر الزراعة أتعب وبلاش الراحة وفي برمهات أشوف البشاير واعرف أني على الدرب ساير أبيب ومسرى وباقي الشهور أفرح بتعبي لحد ما السنة تاني تدور  لامد إيدي لإنسان ولا أندم ولا أحاول النسيان 

  ماتفتكرش إنك لو أخدت جنب وقولت أنا كافى خيرى شرى تبقى عملت اللى عليك؟ مصر محتاجة كل نقطة عرق كل فكرة جديدة، مع دعاء من القلب يصدر من 90 مليون مصرى بالداخل والخارج، دعاء يهز أركان مملكة الشر، ويدعو لمصر أن تستكمل المسيرة نحو الرخاء والاستقرار إن شاء الله وبعون الله. عندما تزداد أعداد السيدات المعيلة، خصوصا فى وجود رجل لا يسعى لتدبير احتياجات حياته وحياة من هم قى رقبته، فى أى بيت أو عمل أو نشاط، ليجلس كل منا مع نفسه ويسألها وأنا أولكم، هل أنا عبء على من حولى؟ من أراد أن يكون سيدا فليكن خادما للجميع وما استحق أن يولد من عاش لنفسه فقط.

  ماما بابا جدتى جدى خالتى خالى عمتى عمى أحلى نغم تسمعه وتستناه ضحكة طفل حكمة جد طعم الأكل من إيد الأم نصائح الجدة وذكرياتها ياه  الحياة وسط الأحبة أحلى ما نتمناه عشنا وبنقرا ونسمع عن بيت العيلة زمان يا سلام لوعاد البيت إياه واتجمع الخلان كنت لما تقول الآه تلاقى من يستجيب ولما تفرح تزيد فرحتك مع كل من تلقاه النهاردة ساكن فى عماره لا جارى يعرفنى ولا يشاركنى فى المعاناة ولا الأخبار السارة وحدك فى عالم واسع يا ولداه

  تعالوا  نردد لحنا جديدا  ونشدوا بأحلى حروف الكلام وننفض هنا بطاطين الكسل ونستقبل ربيعا يبشر بصفو وبشر شتاء مضى وألقى علينا السلام تساقطت فيه أوراق الشجر عانينا فيه برد العظام بذور زرعناها فى أرض مصر روتها مياه بأيدى الكرام حبوب لقاح تناقلها الشجر فأضحت ثمارا ونحن النيام كفانا نياما هبوا اعملوا تعالوا نؤدى لمصر التمام لابالكلام ولا بالهتاف بأعمال تمهد جبالا تنير الظلام أتانا ربيع يحرك فينا نشيد الأمل ونشكر الهنا مغيث الأنام