Tawfik Mikhail - Words of Wisdom

  ياللى لسه على البر وبتدور ع النص الثانى ماتقولش الآخر دا انتو حتبقو واحد مش اثنين مشوار غير أى مشوار وحياة جديدة بتبتدى علشان تقوى وتدوم على مر السنين  لازم يكون الأساس على صخر المحبة  والتكامل والانسجام تقول فوله واتقسمت نصين قبل ما تخطى سمى وقول يا رب الزوجة الصالحة من عندك يا معين دا العمر بنعيشه مرة واحدة وميراث الآباء هم البنين

  هي المحبة إيه غير جسر بين اتنين؟ مهما يكون تحت الجسر شوك أو ورد يوصل بين أهل بيت أو مجتمع  دول كمان بين سما وأرض تعالوا نعزف لحن ترتيلة فوق جسر المحبة نغني رصد ما أحلى المحبة لما نسود وتكون هي القانون والنظام حب وجد مش لحظة ولا لقطة لكن حياة أمس ويوم وغد تعالوا نبني جسور محبة وننزع من القلوب كل كراهية وحقد أكيد حنرسم على وجه الحياة ضحكة بالرغم من كل مافي الدنيا من غم ونكد دا مش كلام مرسل وفض مجالس الفرح من السما للمحبين وعد

  إلى  الذين يفتون بلا علم – هل لديكم قاعدة بيانات ودراسات جدوى للأمور التى تتكلمون عنها؟ - إلى الأصوات المتناثرة التى تبث اليأس والإحباط، إلى الذين يخافون على مصر ومستقبلها، إلى الذين يؤرقهم نجاح مصر واستقرارها، إلى كل هؤلاء وغيرهم تعالوا إلى كلمة سواء هلم نتحاجج. ماذا كان الحال قبل 30 يونيو؟ وماذا لو استمر الحال على ما كان عليه؟ اليوم بالورقة والقلم وكل شىء بالحساب . قناة السويس تسدد ما تم صرفه عليها، مشروع قومى للطرق، محطات كهرباء عملاقة، مشروع استصلاح مليون ونصف مليون فدان . حقول بترول وغاز تبشر بمستقبل واعد إن شاء الله لمصر، مزارع سمكية ضخمة، مشروعات متنوعة على كل شبر فى مرسى مطروح ودمياط والروبيكى وسيناء والصعيد، سداد مديونيات مصر عن السنة الله لا يعودها، مواجهة الاستنزاف البشرى والمنشآت والنشاطات التى خريتها وأحرقتها قوى الشر بتمويل مشبوه يفوق العقول، ولكن بعون الله وصمود المصريين أفسدت مؤامراتهم، استعادة مكانة مصر العالمية فى جميع المحافل والمجالات. تحيا مصر والتقدير والاعتراف بالجميل للسيد الرئيس عبد الفتاح السيسى والجيش والشرطة لتجاوبهم واستجابتهم لشعب مصر العظيم وثو...

  الملافظ سعد وياسعده اللى يملك الكلمة الحلوة يقولها فى مكانها ووقتها دا الكلمة الطيبة إحسان ولما تكون المحبة أساس أى كلام يكون اللى فى القلب مسموح يقوله لسان وياريت لما الكلام مالوش لازمة يكون السكوت عنوان سهل بكلمة تحرق دم اللى قدامك وتنسى إنه فى الأول وفى الآخر إنسان من فضلك فكر فى الكلام قبل ما تنطقه عد من واحد لعشرة خصوصا لما تكون غضبان الكلام الحلو لابيتباع ولا بيشترى لكنه رصيد فى القلب من المسموع واللى بنشوفه عيان للأسف لا الشارع ولا الميديا ولا حتى المدرسة ممكن تكون مصدر للتربية زى زمان الدور والباقى على البيت والأهل لما يكون فيه التزام وربنا موجود فى كل مكان

  الحصاد في برمودة نجمع القمح وندق العمودة وفي بشنس كنسنا الجرن والغيط كنس   العام الدراسي يغيب ولكل مجتهد نصيب شمس بؤونة حامبه ونبتدي  ندور على نسمة تلاقيها على شط بحر أو زراعية أو جسر نهر وجلسة في ليلة صيف وضي القمر يعكس على الصحبة جمال ويضيف اتمتع بوقتي واتفسح لما أجمع محصولي وانجح ياريت في هاتور شهر الزراعة أتعب وبلاش الراحة وفي برمهات أشوف البشاير واعرف أني على الدرب ساير أبيب ومسرى وباقي الشهور أفرح بتعبي لحد ما السنة تاني تدور  لامد إيدي لإنسان ولا أندم ولا أحاول النسيان 

  ماتفتكرش إنك لو أخدت جنب وقولت أنا كافى خيرى شرى تبقى عملت اللى عليك؟ مصر محتاجة كل نقطة عرق كل فكرة جديدة، مع دعاء من القلب يصدر من 90 مليون مصرى بالداخل والخارج، دعاء يهز أركان مملكة الشر، ويدعو لمصر أن تستكمل المسيرة نحو الرخاء والاستقرار إن شاء الله وبعون الله. عندما تزداد أعداد السيدات المعيلة، خصوصا فى وجود رجل لا يسعى لتدبير احتياجات حياته وحياة من هم قى رقبته، فى أى بيت أو عمل أو نشاط، ليجلس كل منا مع نفسه ويسألها وأنا أولكم، هل أنا عبء على من حولى؟ من أراد أن يكون سيدا فليكن خادما للجميع وما استحق أن يولد من عاش لنفسه فقط.

  ماما بابا جدتى جدى خالتى خالى عمتى عمى أحلى نغم تسمعه وتستناه ضحكة طفل حكمة جد طعم الأكل من إيد الأم نصائح الجدة وذكرياتها ياه  الحياة وسط الأحبة أحلى ما نتمناه عشنا وبنقرا ونسمع عن بيت العيلة زمان يا سلام لوعاد البيت إياه واتجمع الخلان كنت لما تقول الآه تلاقى من يستجيب ولما تفرح تزيد فرحتك مع كل من تلقاه النهاردة ساكن فى عماره لا جارى يعرفنى ولا يشاركنى فى المعاناة ولا الأخبار السارة وحدك فى عالم واسع يا ولداه